Karen: လါယနူၤအါရံၤ ၂၅သီ, ၂၀၂၄နံၣ်
တၢ်ဂိၢ်ခါကတီၢ်မူခိၣ်ကလံၤသီၣ်ဂီၤအတၢ်ရဲၣ်တၢ်ကျဲၤ
စးထီၣ် ယနူၤအါရံၤ ၂၀၂၄နံၣ်, တၢ်ဂိၢ်ခါကတီၢ်မူခိၣ်ကလံၤသီၣ်ဂီၤအတၢ်ရဲၣ်တၢ်ကျဲၤ လၢဘၣ်တၢ်ပာ်ဖျါထီၣ် အံၤဖဲအံၤတဖၣ် ကဘၣ်တၢ်စးထီၣ်မၤအီၤဖဲ စ့ၣ်ဖီလ်ပဒိၣ်ကၠိတဖၣ်အပူၤန့ၣ်လီၤ. မူခိၣ်ကလံၤသီၣ်ဂီၤတၢ်အိၣ် သးတဂ့ၤနးနးအခီၣ်ထံးခံသီန့ၣ် စ့ၣ်ဖီလ်ပဒိၣ်ကၠိကပာ်လီၤတၢ်ဆၢတဲာ်လၢကပျၢ်ကၠိ, တၢ်အဝဲအံၤကမ့ၢ်ဝဲ ‘‘တၢ်သိၣ်လိနဲၣ်လိတအိၣ်’’အနံၤန့ၣ်လီၤ. ကၠိဖိတလိၣ်ဟဲထီၣ်ကၠိဘၣ်, ဒီးအတမ့ၢ် “e-learning”(တၢ်မၤလိတၢ် လၢအီန်လဲဖီခိၣ်) ဘၣ်. မ့ၢ်လၢမူခိၣ်ကလံၤတၢ်အိၣ်သးတဂ့ၤဒီး ဖဲတၢ်သိၣ်လိနဲၣ်လိတအိၣ်ခံသီအနံၤဝံၤအလီၢ် ခံန့ၣ်, ကၠိကီၢ်ရ့ၣ် ကပာ်လီၤတၢ်ဆၢတဲာ်လၢ ကၠိကစူးကါ e-learning day (တၢ်မၤလိတၢ်လၢအီန်လဲဖီခိၣ်) မ့တမ့ၢ် တၢ်သိၣ်လိတအိၣ်အနံၤတဖၣ်န့ၣ် ကမ့ၢ်ဝဲဒၣ်လၢ စ့ၣ်ဖီလ်ပဒိၣ်ကၠိအတၢ်ဆၢတဲာ်အဖီခိၣ်န့ၣ်လီၤ.
Central တီၤထီကၠိ တၢ်ကတိၤဂ့ၢ်လိာ်ကရူၢ် မၤနၢၤ ကီၢ်စဲၣ် ခၠၣ်ပံၣ်ယၣ်ၡံၣ်
Central တီၤထီကၠိ ကၠိဖိ Kiernan Baxter-Kauf ဒီး Max Ulven ဒိးန့ၢ်ခိၣ်ဖးတၢဖဲ မံၣ်နံၣ်စိထၣ်ကီၢ်စဲၣ် တီၤထီကၠိကရၢ တၢ်ကတိၤဂ့ၢ်လိာ်အတၢ်ပြၢ လၢအဘၣ်ဃးဒီး Public Policy (ထံဖိကီၢ်ဖိ ဖီလ်စံၣ်) တၢ်ဂ့ၢ်ခိၣ်တီအပူၤန့ၣ်လီၤ. သးခုဃုာ်ဒီး ကၠိဖိခံဂၤအံၤ ဒီး တၢ်ဖျိးစိအတၢ်မၤနၢၤအဝဲအံၤန့ၣ်လီၤ.
တၢ်အိးထီၣ်ကၠိတဖၣ် ဒီး တၢ်သုးထီထီၣ်တၢ်ဃုထၢကၠိအမုၢ်နံၤ
တၢ်ဆၢကတီၢ်အိၣ်ဒံးလၢနမ့ၢ်အဲၣ်ဒိးပတံထီၣ် စ့ၣ်ဖီလ်ပဒိၣ်ကၠိဂုၤဂၤတဖျၢၣ်လၢ ကၠိနံၣ် ၂၀၂၄-၂၀၂၅ အဂီၢ် န့ၣ်လီၤ. နုာ်လီၤကွၢ် spps.org/apply ပှာ်ယဲၤ လၢကကွၢ်ဃုကၠိအဂ့ၤကတၢၢ်တဖျၢၣ်လၢနဖိအဂီၢ်န့ၣ်လီၤ. တၢ်အိးထီၣ်ကၠိ (Open houses) မူးတၢ်ရဲၣ်တၢ်ကျဲၤတဖၣ် အိးထီၣ်အသးခဲအံၤဒီးမ့ၢ်တၢ်ခွဲးတၢ်ယာ်အဂ့ၤက တၢၢ်တခါလၢနကလဲၤဟးကွၢ်ကၠိလၢနဘၣ်သးအီၤတဖျၢၣ်န့ၣ်လီၤ. ကွၢ်ဃု မုၢ်နံၤဒီးတၢ်ဆၢကတီၢ်တဖၣ်ဖဲ spps.org/openhouses ပှာ်ယဲၤအဖီခိၣ်န့ၣ်တက့ၢ်. ဆှၢထီၣ်လံာ်တကွီၢ်ဒိပတံထီၣ်ကၠိတချုးတလၢထီၣ်ဒံးဖဲ လါဖ့ၣ်ဘြူၤအါရံၤ ၂၃ သီ, လၢတၢ်သုးယံၤထီၣ် တၢ်ပတံထီၣ်ကၠိမုၢ်နံၤလၢ ဖ့ၣ်ဘြူၤအါရံၤ ၉သီ လၢနကဒိး န့ၢ်တၢ်ခွဲးတၢ်ယာ်အဂ့ၤကတၢၢ်ဒ်သိးနကမၤန့ၢ် ကၠိလၢနဃုထၢအီၤတဖျၢၣ်န့ၣ်လီၤ.
မၤလၤကပီၤ တၢ်ဂိၢ်ခါကတီၢ် တၢ်ဟးသကိးဆူကၠိ မုၢ်နံၤ
တဘၣ်ပျဲတၢ်ဂိၢ်ခါကတီၢ်ဒုးအိၣ်နၤလၢတၢ်အိပူၤန့ၣ်ဘၣ် - ဟံးထီၣ်နစုဖျီၣ် ဒီး ဒိးထီၣ်ခီၣ်ဖံးဘူး ဒီးမၤလၤက ပီၤသကိး တၢ်ဂိၢ်ခါကတီၢ် တၢ်ဟးသကိးဆူကၠိ (Walk to School) မုၢ်နံၤဖဲ ဖ့ၣ်ဘြူၤအါရံၤ ၇သီအနံၤန့ၣ်တက့ၢ်. ဟံၣ်ဖိဃီဖိကိးဂၤဒဲးဘၣ် တၢ်ကွဲမုာ်အီၤလၢကဟဲမၤလၤကပီၤသကိးတၢ်န့ၣ်လီၤ. တၢ်ဟးလၢခီၣ်မ့ၢ် တၢ်လၢအမၤ သးဖှံပသး, ကျဲအဂ့ၤလၢပတၢ်အိၣ်ဆူၣ်အိၣ်ချ့အဂီၢ်လၢကလဲၤဆူကၠိအဂီၢ်, ဖဲတၢ်ဂိၢ်ခါကတီၢ်ဒၣ်လဲာ်န့ၣ်လီၤ. ဆဲးကျိးသံကွၢ်လီၤတံၢ်န ကၠိလၢမ့ၢ်အဝဲသ့ၣ်ရဲၣ်ကျဲၤမၤလၤကပီၤမုၢ်နံၤအံၤလၢ ကၠိထီၣ်မုၢ်နံၤအဂုၤဂၤဧါန့ၣ်တက့ၢ်. လၢနကသ့ၣ်ညါအါထီၣ်တၢ်ဂ့ၢ်တၢ်ကျိၤအဂီၢ်, နုာ်လီၤကွၢ် spps.org/Page/40786 ပှာ်ယဲၤန့ၣ် တက့ၢ်.
Bilingual Seals (တၢ်သ့ကျိာ်ခံကျိာ်)လံာ်အုၣ်သးတၢ်ခွဲးတၢ်ယာ်တဖၣ်လၢ ၁၀တီၤ-၁၂တီၤအဂီၢ်
ကၠိဖိလၢအမၤလိ ၁၀ တီၤ တုၤ ၁၂ တီၤလၢအကတိၤကျိာ်သ့အါတကျိာ်တဖၣ်န့ၣ် ဘၣ်တၢ်ဟ့ၣ်ဂ့ၢ်ဟ့ၣ်ဘါ အီၤလၢကဒိးစဲးဝဲဒၣ် Bilingual Seal (တၢ်သ့ကျိာ်)အတၢ်ဒိးစဲး ဒီး ဒိးန့ၢ်တၢ်ပာ်ပနီၣ်လၢ အဝဲသ့ၣ်ကျိာ် တၢ်သ့တၢ်ဘၣ်တဖၣ်အဂီၢ်န့ၣ်လီၤ. တၢ်ဒိးစဲးတဖၣ်ကအိၣ်ဝဲလၢ ကျိာ် ၃၀ ကျိာ်အပူၤန့ၣ်လီၤ. ကၠိဖိလၢ ဒိးန့ၢ်လံာ်အမးကံၢ်စီပတီၢ်လၢအထီၣ်ဘးတဖၣ်န့ၣ် ကဒိးန့ၢ်ကလီ ခီလ့ၣ်ကၠိခရ့ဒံၣ်တဖၣ်တုၤ ၂၀ ခရ့ဒံၣ် လၢကျိာ်တခါစုာ်စုာ်အဂီၢ်န့ၣ်လီၤ. ကၠိဖိတဖၣ်ဆဲးလီၤအမံၤဖဲ တၢ်ဆဲးလီၤမံၤပှာ်ဘျးစဲအံၤအပူၤ တုၤလၢ ယနူၤအါရံၤ ၃၁သီ, ၂၀၂၄နံၣ်သ့ဝဲဒၣ်န့ၣ်လီၤ. ဃုသ့ၣ်ညါအါထီၣ် Bilingual Seals (တၢ်သ့ကျိာ်ခံကျိာ်) အဂ့ၢ်အကျိၤ ဖဲ spps.org/languages ပှာ်ယဲၤအဖီခိၣ်န့ၣ်တက့ၢ်.
မၤလၤကပီၤ ထံကီၢ်ဒီဘ့ၣ် အဖြံကၤ အမဲရံကၤ မိၢ်ပၢ်တၢ်မၤသကိးတၢ်အမုၢ်နံၤ
ထံကီၢ်ဒီဘ့ၣ် အဖြံကၤအမဲရံကၤ မိၢ်ပၢ်တၢ်မၤသကိးတၢ်အမုၢ်နံၤ (National African American Parent Involvement Day (NAAPID) ကအိၣ်ဝဲဒၣ်ဖဲ ဖ့ၣ်ဘြူၤအါရံၤ ၁၂သီအနံၤန့ၣ်လီၤ. စ့ၣ်ဖီလ်ပဒိၣ်ကၠိကမၤ လၤကပီၤမုၢ်နံၤအဝဲအံၤလၢ ကၠိတဖျၢၣ်စုာ်စုာ်ကရဲၣ်ကျဲၤမၤဝဲမူးတၢ်ရဲၣ်တၢ်ကျဲၤတဖၣ်ဖဲ ကၠိကီၢ်ရ့ၣ်ဒီတဘ့ၣ် အပူၤန့ၣ်လီၤ. တၢ်ကမၤဝံၤမုၢ်နံၤအံၤလၢအအိၣ်ဃုာ်ဒီးကၠိကီၢ်ရ့ၣ်ဒီဘ့ၣ်တၢ်မၤလၤမၤကပီၤတၢ် ဒီး တၢ်တိစၢၤ မၤစၢၤမူးဖဲ Benjamin E. Mays တီၤဖုၣ်ကၠိဖဲ ဟါ ၅း၃၀နၣ်ရံၣ်အကတီၢ်န့ၣ်လီၤ. လဲၤနုာ်လီၤကွၢ် နကၠိပှာ်ယဲၤ လၢနကသ့ၣ်ညါတၢ်ဂ့ၢ်တၢ်ကျိၤဘၣ်ဃးဒီး တၢ်မၤလၤကပီၤတၢ်ဖဲကၠိအပူၤန့ၣ်လီၤ. နမ့ၢ်အဲၣ်ဒိးသ့ၣ်ညါအါထီၣ် တၢ်ဂ့ၢ်ဘၣ်ဃးဒီး ကၠိကီၢ်ရ့ၣ်ဒီဘ့ၣ်တၢ်တိစၢၤမၤစၢၤမူးန့ၣ်, နုာ်လီၤကွၢ် spps.org/naapid ပှာ်ယဲၤန့ၣ်တက့ၢ်.
တၢ်တိစၢၤမၤစၢၤတဖၣ်ဘၣ်ဃး ကသံၣ်မူၤဘှီၤဒီးခဲမံၣ်ကၢၣ်ကသံၣ်ကသီလၢဟံၣ်ဖိဃီဖိအဂီၢ်
စ့ၣ်ဖီလ်ပဒိၣ်ကၠိ သူၣ်အိၣ်သးအိၣ် ပှၤကၠိဖိလၢအတူၢ်လိာ်သိၣ်လိနဲၣ်လိတဖၣ်အတၢ်အိၣ်ဆူၣ်အိၣ်ချ့ဒီး တၢ်အိၣ်မုာ်ဆိး ပၢၤန့ၣ်လီၤ. စးထီၣ် လါမ့ၤ ၂၀၂၃နံၣ်, ကၠိဆူၣ်ချ့ဝဲၤဒၢးကိးဖျၢၣ်ဒဲး အပူၤအိၣ်ဒီး တၢ်ကတဲာ် ကတီာ်ပာ်ဃာ် naloxone, လၢအမ့ၢ် ကသံၣ်မၤပူၤဖျဲးသးသမူလၢ အလဲလိာ်မၤဘၣ်လီၢ်ဘၣ်စးထီၣ်က့ၤ ပှၤလၢအစူးကါကသံၣ် မူၤဘှီအါတလၢ အခၢးတဖၣ်အဂီၢ်န့ၣ်လီၤ. ပှာ်ယဲၤအဝဲအံၤ အိၣ်ဒီးတၢ်ဂ့ၢ်တၢ်ကျိၤ လၢဟံၣ်ဖိဃီဖိအဂီၢ်ဘၣ်ဃး တၢ်လၢကဘၣ်မၤဝဲဖဲ အမ့ၢ်ထံၣ်ဘၣ် ပှၤလၢအဲၣ်ဘၣ်ဝဲတဂၤဂၤလီၤဘျၢလၢက သံၣ်မူၤဘှီၤဒီးသံးဧိၤဂာ်ဧိၤအပူၤအကတီၢ်န့ၣ်လီၤ.
မၤနီၣ်ပာ်ဃာ်မုၢ်နံၤ - တၢ်ဆိမိၣ်ဆိ ခီလ့ၣ်ကၠိ ဒီး တၢ်ဖံးတၢ်မၤမူးတၢ်ရဲၣ်တၢ်ကျဲၤ
ဟဲဒီးဃုထံၣ်သ့ၣ်ညါဘၣ်ဃးတၢ်ခွဲးတၢ်ယာ်တဖၣ်လၢနဖိအတၢ်အိၣ်မူခါဆူညါအဂီၢ် ဖဲ တနံၣ်တဘျီ တၢ်ဆိ မိၣ်ဆိ ခီလ့ၣ်ကၠိဒီးတၢ်ဖံးတၢ်မၤမူးတၢ်ရဲၣ်တၢ်ကျဲၤဖဲ မုၢ်ဘူၣ်နံၤ, ဖ့ၣ်ဘြူၤအါရံၤ ၁၇သီ ဖဲ Harding တီၤထီကၠိ န့ၣ်တက့ၢ်. ဖဲမူးတၢ်ရဲၣ်တၢ်ကျဲၤအံၤအပူၤန့ၣ်, နကဒိးန့ၢ်တၢ်ခွဲးတၢ်ယာ်လၢနကထံၣ်လိာ်သးဒီး HBCU ခီလ့ၣ် ကၠိပှၤဘၣ်မူဘၣ်ဒါ ဒီးကၠိဖိလီၢ်လံၤတဖၣ်, တၢ်ဆဲးလီၤကၠိဖိမံၤပှၤမၤတၢ်ဖိတဖၣ်ဒီး လီၢ်ကဝီၤပူၤတၢ်မၤကစၢ် တဖၣ်န့ၣ်လီၤ. မူးတၢ်ရဲၣ် တၢ်ကျဲၤအပူၤ တၢ်သူၣ်ဝံၣ်သး ဆၢတဖၣ် ဒီး HBCU လံာ်လဲၢ်တၢ်ဂ့ၢ်တၢ်ကျိၤ ဒီး တၢ်ဂီၤတဖၣ်ကအိၣ်ဝဲလီၤ. ကၠိဖိလၢ အဟဲထီၣ်မူးအဝဲအံၤတဖၣ် ကအိၣ်ဒီးတၢ်ခွဲးတၢ်ယာ်လၢကပတံထီၣ် တၢ်လဲၤဟးကွၢ် ခီလ့ၣ်ကၠိဖဲသ့ၣ်လၣ်လီၤကတီၢ် အံၤန့ၣ်လီၤ.
လံာ်နံၣ်လံာ်လါ တၢ်ဒုးသ့ၣ်နီၣ်တဖၣ်
- ယနူၤအါရံၤ ၂၅သီ - တၢ်မၤလိအကတီၢ် ခွါထၢၣ် ၂ ကတၢၢ်အနံၤ
- ယနူၤအါရံၤ ၂၆သီ - ကၠိတထီၣ်ဘၣ် - ကၠိသရၣ်သရၣ်မုၣ်ထီၣ်မၤလိတၢ်မၤဂ့ၤဒိၣ်ထီၣ်ကံၢ်စီ တၢ်မၤလိ ဒီး တၢ်ဟ့ၣ်လံာ်အမး
- ဖ့ၣ်ဘြူၤအါရံၤ ၁သီ တုၤ ၂၉သီ - ပှၤသူဖံး တၢ်စံၣ်စိၤတဲစိၤအလါ
- ဖ့ၣ်ဘြူၤအါရံး ၁၂သီ - National African American Parent Involvement Day (NAAPID)
- ဖ့ၣ်ဘြူၤအါရံး ၁၂သီ - ကၠိတထီၣ်ဘၣ် - ထဲဒၣ် Crossroads တီၤဖုၣ်ကၠိ
