Hmoob: Tej Yam Muaj Rau Hauv SPPS Tam Sim No – Lub 1 Hlis Tim 11, 2024

Tseem tshuav sij hawm rau nej xaiv lub tsev kawm ntawv uas nej nyiam!

Yog tias nej tab tom teev npe rau ib lub tsev kawm ntawv txawv hauv SPPS rau xyoo 2024-25, mus saib hauv spps.org/apply es nrhiav lub tsev kawm ntawv kom haum rau nej tus me nyuam. Cov hnub qhib saib tsev kawm ntawv yog ib lub cib fim zoo rau nej mus nrog cov neeg hauv tsev kawm ntawv tham txog cov tsev kawm ntawv uas nej nyiam. Cov hnub qhib saib tsev kawm ntawv rau lub caij ntuj no nov yuav pib rau lub 1 Hlis; nrhiav cov hnub thiab sij hawm nyob rau ntawm no. Peb muab hnub kawg rau kev teev npe txav mus rau thaum lub 2 Hlis tim 23 lawm. Cia li ua ntawv teev npe xa mus tsis pub dhau lub 2 Hlis tim 23 kom muaj feem zog tau mus kawm rau lub tsev kawm ntawv uas nej xaiv.

SPPS thov tsho tiv no thiab pam vov

Ua tsaug rau nej tej khoom pub dawb uas nej coj tuaj rau Project REACH. Ua tsaug rau SPPS tsoom zej zos uas muaj lub siab zoo, tshaj 300 tus me nyuam uas tsis muaj tsev nyob thiab cov uas nyob tsev so tau txais ib leeg 2-3 pob khoom, nrog rau tsho tiv no, pam vov thiab khoom noj. Project Reach tseem txais tej pam vov thiab tsho tiv no tshiab, tsis hais cov loj los sis cov me (rau cov me nyuam yaus, cov hluas, thiab neeg laus) tam sim no mus txog rau thaum lub 1 Hlis tim 19. Thov nqa nej cov khoom pub dawb mus rau ntawm 1021 Marion Street.

Zoo siab tos txais cov tsav xwm tshiab

Thaum lub 1 Hlis tim 9, tau muab cov tsav xwm tshiab thiab cov uas rov raug xaiv los ua tsav xwm los lees cob dej num. Cov raug xaiv los ua tsav xwm tshiab yog Yusef Carrillo, Carlo Franco thiab Erica Valliant, thiab Chauntyll Allen yog tus uas rov raug xaiv los ua tsav xwm. Lawv yuav los koom nrog tsav xwm Jim Vue, Halla Henderson thiab Uriah Ward – cov tsav xwm tag nrho muaj xya leej. Xav paub ntxiv, mus saib hauv spps.org/boe.

Tuaj koom 2763 Karen lub tsiab peb caug nrog SPPS!

Tuaj nrog peb koom 2763 Karen lub tsiab peb caug rau hnub Friday, lub 1 Hlis tim 12, nyob rau ntawm Washington Technology Magnet School. Yuav muaj seev cev thiab ua yeeb yam, nthuav qhia txog lawv tej tsoo tsho, suab paj nruag, khoom noj thiab lwm yam kev lom zem. Kev ua koob tsheej pib thaum 5:30 teev tsaus ntuj.

Kev siv cov nyiaj COVID Relief thiab pab tau li cas

SPPS tau txais $206.9 lab hauv tsoom fwv tuaj pab rau thaum muaj COVID-19, hu ua American Rescue Plan. Cov nyiaj no yuav tsum siv kom tas rau thaum lub 9 Hli 2024. Nyob rau hauv peb lub xyoos no, SPPS tau txhawb los sis khiav 75 lub tswv yim uas tau npaj lawd kom tub ntxhais kawm tau ntawv lawm yav tom ntej thiab pab rau tej uas tus kab mob tau khuam cheem lawm. Mus saib cov kev siv thiab kev pab kom paub tias SPPS siv cov nyiaj ARP li cas los pab rau tub ntxhais kawm ntawv, cov neeg hauj lwm thiab tsoom zej zos.

Nco ntsoov cov hnub no

Lub 1 Hlis tim 16: Tsis muaj kawm ntawv - Martin Luther King Day
Lub 1 Hlis tim 25: Lub Quarter 2 xaus
Lub 1 Hlis tim 26: Tsis muaj kawm ntawv – Hnub cov xib fwb muaj kev kawm thiab muab qhab nia