Karen: လါယနူၤအါရံၤ ၁၁သီ, ၂၀၂၃နံၣ်
တၢ်ဆၢကတီၢ်လၢ ဘၣ်ဃုထၢကၠိအဂ့ၤကတၢၢ်တဖျၢၣ်
နမ့ၢ်ပတံထီၣ်စ့ၣ်ဖီလ်ပဒိၣ်ကၠိဂုၤဂၤတဖျၢၣ်လၢ ကၠိနံၣ် ၂၀၂၄-၂၀၂၅ အဂီၢ်န့ၣ်, နုာ်လီၤကွၢ် spps.org/apply ပှာ်ယဲၤ လၢနကဃုထံၣ်န့ၢ်ကၠိအဂ့ၤကတၢၢ်တဖျၢၣ်လၢနဖိအဂီၢ်န့ၣ်တက့ၢ်. တၢ်အိးထီၣ်ကၠိမူးအတၢ်ရဲၣ်တၢ်ကျဲၤ တဖၣ်မ့ၢ်တၢ်ခွဲးတၢ်ယာ်ကျိၤကျဲဂုၤဂၤတခါလၢနကဃုသ့ၣ်ညါအါထီၣ်တၢ်ဂ့ၢ်တၢ်ကျိၤဘၣ်ဃးဒီး ကၠိလၢနဘၣ် သူၣ်ဘၣ်သးအီၤတဖၣ်န့ၣ်လီၤ. တၢ်ဂိၢ်ခါတၢ်အိးထီၣ်ကၠိမူးအတၢ်ရဲၣ်တၢ်ကျဲၤစးထီၣ် ဖဲလါယနူၤအါရံၤအပူၤ, ကွၢ်ဃုမုၢ်နံၤဒီးတၢ်ဆၢကတီၢ်ဖဲအံၤန့ၣ်တက့ၢ်. မၤပှဲၤဆှၢထီၣ်လံာ်တကွီၢ်ဒိပတံထီၣ်ကၠိတချုးတလၢထီၣ်ဒံးဖဲ တၢ်ပာ်ပနီၣ်တၢ်ပတံထီၣ်ကၠိမုၢ်နံၤ စဲၤခံကတၢၢ်အနံၤ လါဖ့ၣ်ဘြူၤအါရံၤ ၂၃သီ လၢတၢ်မၤအါထီၣ်တၢ်ပတံထီၣ် ကၠိအနံၤ (လၢလါဖ့ၣ်ဘြူၤ အါရံၤ ၉သီ) လၢနကဒိးန့ၢ်တၢ်ခွဲးတၢ်ယာ်အဂ့ၤဒ်သိး နကမၤန့ၢ်ကၠိလၢနဃုထၢအီၤ န့ၣ်တက့ၢ်.
စ့ၣ်ဖီလ်ပဒိၣ်ကၠိ တၢ်ဟ့ၣ်မၤဘူၣ် ဆ့ကၤခိး ဒီး ယၣ်လုး တၢ်ရဲၣ်တၢ်ကျဲၤတဖၣ်
တၢ်ဘျုးလၢနဟ့ၣ်မၤဘူၣ်လီၤတၢ်ဟ့ၣ် ဒီး တၢ်လိာ်ကွဲတဖၣ်ဆူ Proiect REACH န့ၣ်လီၤ. စံးဘျုးဘၣ် ပ စ့ၣ်ဖီလ်ပဒိၣ်ကၠိပှၤတဝၢလၢအိၣ်ဒီးတၢ်သူၣ်ဂ့ၤသးဝါတဖၣ်, ဒီးပှၤဖိသၣ်လၢကွၢ်ဆၢၣ်မဲာ်ဒီးဟံၣ်ဃီတအိၣ် ဒီး အိၣ်လၢတၢ်ကွၢ်လုၢ်ဒိၣ်ထီၣ်အလီၢ် အါန့ၢ် ၃၀၀ ဂၤဒိးန့ၢ်ဘၣ် တၢ်ဟ့ၣ် ၂ခါ တုၤ ၃ခါလၢတဂၤစုာ်စုာ်, ဃုာ်ဒီး တၢ်ဂိၢ်ခါဆ့ကၤလၢၤ, ယၣ်လုး ဒီးတၢ်အီၣ်တဖၣ်န့ၣ်လီၤ. Project REACH ဆဲးတူၢ်လိာ်ဒံး ယၣ်လုးဒီးဆ့ကၤ လၢၤ ဒိၣ်ဆံးအကလုာ်ကလုာ်(ဖိသၣ်, သးစၢ်, ပှၤနီၣ်ဒိၣ်) တုၤလၢလါယနူၤအါရံၤ ၁၉ သီန့ၣ်လီၤ. ဝံသးစူၤ ဟဲစိာ်သုတၢ်ဟ့ၣ်တဖၣ်ဆူ 1021 Marion Street န့ၣ်တက့ၢ်.
တၢ်တူၢ်လိာ်မုာ် ပၢဆှၢကၠိကမံးတံာ်ခိၣ်ကျၢၢ် ခိၣ်နၢ်အသီတဖၣ်
ပၢဆှၢကၠိကမံးတံာ်ခိၣ်ကျၢၢ် (Board of Education) ခိၣ်နၢ်အသီ ဒီး ခိၣ်နၢ်လၢဘၣ်တၢ်ဃုထၢထီၣ်က့ၤအီၤ တဖၣ် အၢၣ်လီၤအီလီၤအသးလၢကဟံးဖီၣ်ထီၣ်မူဒါတၢ်ဖံးတၢ်မၤဖဲ တၢ်ဆိၣ်လီၤသးမူးတၢ်ရဲၣ်တၢ်ကျဲၤအပူၤဖဲ လါယနူၤအါရံၤ ၉သီအနံၤန့ၣ်လီၤ. ခိၣ်နၢ်အသီလၢကမျၢၢ်ဃုထၢအီၤတဖၣ်မ့ၢ်ဝဲ Yusef Carrillo, Carlo Franco ဒီး Erica Valliant ဒီး ခိၣ်နၢ်လၢဒိးဃုထၢက့ၤအသးဒီးကမျၢၢ်ဃုထၢအီၤတဖၣ်မ့ၢ်ဝဲ Chauntyll Allen, အၢၣ်လီၤအီလီၤဆိၣ်လီၤသးန့ၣ်လီၤ. အဝဲသ့ၣ်ပာ်ဖှိၣ်မၤသကိးတၢ်ဒီး ပၢဆှၢကၠိကမံးတံာ်ခိၣ်နၢ်လၢဆဲးမၤတၢ် တဖၣ်ဒ်အမ့ၢ်ဝဲ Jim Vue, Halla Henderson ဒီး Uriah Ward လၢ ပၢဆှၢကၠိကမံးခိၣ်ကျၢၢ်နွံဂၤတၢ်ဆီလီၤ ပာ်လီၤအဖီခိၣ်န့ၣ်လီၤ. ဃုသ့ၣ်ညါအါထီၣ်တၢ်ဂ့ၢ်တၢ်ကျိၤဘၣ်ဃးဒီး ပၢဆှၢကၠိကမံးတံာ်ခိၣ်ကျၢၢ်ဖဲ spps.org/boe ပှာ်ယဲၤအဖီခိၣ်န့ၣ်တက့ၢ်.
မၤလၤကပီၤ ၂၇၆၃ ကညီနံၣ်ထီၣ်သီ ဃုာ်ဒီး စ့ၣ်ဖီလ်ပဒိၣ်ကၠိ
ဟဲမၤလၤကပီၤ စ့ၣ်ဖီလ်ပဒိၣ်ကၠိ ကညီနံၣ်ထီၣ်သီဖဲ မုၢ်ဖီဖးနံၤ, လါယနူၤအါရံၤ ၁၂သီ, ဖဲ Washington Technology Magnet School လၢတၢ်မၤလၤမၤကပီၤ ကညီတၢ်ဆဲးတၢ်လၤ ဒီး ၂၇၆၃ ကညီနံၣ်ထီၣ်သီ အဂီၢ်န့ၣ်တက့ၢ်. မူးတၢ်ရဲၣ်တၢ်ကျဲၤအပူၤအိၣ်ဝဲဒီး ကညီဆဲးလၤတၢ်ဂဲၤကလံၣ် ဒီး ကၠိဖိတၢ်ဟူးတၢ်ဂဲၤတဖၣ်, တၢ်ဒုးနဲၣ်ပာ်ဖျါထီၣ် ကညီကူသိး တၢ်ဆဲးတၢ်လၤ(fashion show), တၢ်သူၣ်ဝံၣ်သးဆၢ, တၢ်အီၣ်တၢ်အီ ဒီး တၢ်မၤသးဖှံတၢ်အဂုၤအဂၤတဖၣ်န့ၣ်လီၤ. ကညီနံၣ်ထီၣ်သီမူးတၢ်ရဲၣ်တၢ်ကျဲၤစးထီၣ် ဟါ ၅း၃၀နၣ်ရံၣ်အက တီၢ်န့ၣ်လီၤ.
COVID ကျိၣ်စ့တၢ်မၤစၢၤ တၢ်သူတၢ်စွဲ ဒီး တၢ်ကဲဘျုးအတၢ်ဂ့ၢ်ကျၢၢ်တံၢ်
စ့ၣ်ဖီလ်ပဒိၣ်ကၠိ ဒိးန့ၢ် ၂၀၆.၉ ကကွဲၢ်ဒီလၣ်လၢ ကီၢ်စၢဖှိၣ် COVID-19 ကျိၣ်စ့တၢ်မၤစၢၤ, လၢဘၣ်တၢ်ကိး အီၤလၢ American Rescue Plan (ARP), ကဘၣ်တၢ်စူးကါလၢာ်ကွံာ်အီၤဖဲ လါစဲးပထ့ဘၢၣ် ၂၀၂၄နံၣ်အ တီၢ်ပူၤန့ၣ်လီၤ. လၢသၢနံၣ်တီၢ်ပူၤ, စ့ၣ်ဖီလ်ပဒိၣ်ကၠိ စးထီၣ်, မၤဂ့ၤထီၣ် မ့တမ့ၢ် ဆဲးမၤကဲထီၣ်လိၣ်ထီၣ် ကၠိတၢ်တိာ်ကျဲၤ ၇၅ ခါလၢ ကဘှါၡဲမၤဂ့ၤထီၣ် ကတီၢ်ယံၤကၠိဖိတၢ်မၤလိန့ၢ်တၢ်အစၢတဖၣ်လၢ အဘၣ်တၢ် တြီမၤတံာ်တာ်အီၤ လၢတၢ်ဆူးတၢ်ဆါအတၢ်ရၤလီၤသးအဖီခိၣ်အဃိန့ၣ်လီၤ. ကွၢ်ကဒါက့ၤ ကျိၣ်စ့တၢ်သူ တၢ်စွဲအဝဲအံၤ ဒီးတၢ်ကဲဘျုးအတၢ်ဂ့ၢ်ကျၢၢ်တံၢ် ဒီးဃုသ့ၣ်ညါတၢ်ဂ့ၢ်တၢ်ကျိၤလၢ စ့ၣ်ဖီလ်ပဒိၣ်ကၠိ စူးကါ ARP ကျိၣ်စ့တဖၣ်ဒ်လဲၣ်ဒီး အမၤဘျုးမၤဖှိၣ် ကၠိဖိ, ကၠိပှၤမၤ တၢ်ဖိ ဒီး ပှၤတဝၢဒ်လဲၣ်အဂ့ၢ်န့ၣ်တက့ၢ်.
လံာ်နံၣ်လံာ်လါ တၢ်ဒုးသ့ၣ်နီၣ်တဖၣ်
- ယနူၤအါရံၤ ၁၆သီ - ကၠိတထီၣ်ဘၣ် - Martin Luther King Day
- ယနူၤအါရံၤ ၂၅သီ - တၢ်မၤလိခွါထၢၣ် ၂ ကတၢၢ်
- ယနူၤအါရံၤ ၂၆သီ - ကၠိတထီၣ်ဘၣ် - ကၠိသရၣ်သရၣ်မုၣ်ထီၣ်မၤလိတၢ်မၤဂ့ၤဒိၣ်ထီၣ်ကံၢ်စီတၢ်မၤလိ ဒီး တၢ်ဟ့ၣ်လံာ်အမး
