Karen: နိၣ်ဝ့ဘၢၣ် ၃၀သီ, ၂၀၂၃ နံၣ်
ဟဲထီၣ် ဘၢၣ်ခၠူဝၢလ်တၢ်အိၣ်ဖှိၣ် ဒီးဒိကနၣ် Superintendent Gothard အတၢ်စံးကတိၤလီၤတၢ်
Superintendent Joe Gothard ကကိး ဘၢခၠူဝၢလ် တၢ်အိၣ်ဖှိၣ်တခါဖဲ မုၢ်ဆၣ်နံၤ, လါဒံၣ်စဲဘၢၣ် ၄သီ, ဖဲ ဟါ ၅း၃၀နၣ်ရံၣ်အကတီၢ်န့ၣ်လီၤ. တၢ်အိၣ်ဖှိၣ်တၢ်ဂ့ၢ်ခိၣ်တီတဖၣ်ပၣ်ဃုာ် SPPS Achieves ဒီး American Rescue Plan (ကီၢ်စၢဖှိၣ်ကျိၣ်စ့တၢ်ဆီၣ်ထွဲ), စ့ၣ်ဖီလ်ပဒိၣ်ကၠိ စ့တိာ်ပာ်, ဒီး ပှၤတဝၢအတၢ်ပာ်လုၢ်ပာ်ပှ့ၤလၢ ဘၣ်တၢ်ပာ်ဖှိၣ်ထီၣ်တ့ၢ်အီၤလၢ အါလါအတီၢ်ပူၤန့ၣ်လီၤ. ပှၤဟဲထီၣ်တၢ်အိၣ်ဖှိၣ်တဖၣ်အိၣ်ဒီးတၢ်ခွဲးတၢ်ယာ် လၢကသံကွၢ်တၢ်သံကွၢ်တဖၣ်န့ၣ်လီၤ. လၢနကဟဲထီၣ်တၢ်အိၣ်ဖှိၣ်တဘျီအံၤအဂီၢ်, နုာ်လီၤကွၢ် spps.eduvision.tv/LiveSched.aspx ပှာ်ယဲၤ ဖဲတၢ်အိၣ်ဖှိၣ်အကတီၢ်န့ၣ်တက့ၢ်.
တၢ်နုာ်လီၤမၤသကိးတၢ်လၢ ၂၀၂၅ နံၣ် ကၠိစ့တိာ်ပာ်အဂီၢ် တၢ်ဂ့ၢ်တၢ်ကျိၤတၢ်ပာ်ဖျါ
စ့ၣ်ဖီလ်ပဒိၣ်ကၠိ ဆဲးကျိးနုာ်လီၤမၤသကိးတၢ်ဒီး ဟံၣ်ဖိဃီဖိတဖၣ်, ကၠိဖိတဖၣ်, ဒီး ကၠိပှၤမၤတၢ်ဖိတဖၣ် ဘၣ်ဃးဒီး အတၢ်ပာ်လုၢ်ပာ်ပှ့ၤလၢကူၣ်သ့တၢ်ရဲၣ်တၢ်ကျဲၤအပူၤ ခီဖျိ ပှၤတဝၢတၢ်နုာ်လီၤမၤသကိးတၢ် အတၢ်အိၣ်ဖှိၣ်ကတီၢ်တဖၣ် ဒီး တၢ်ဃုသ့ၣ်ညါတၢ်ပှၤတဝၢအတၢ်ထံၣ်(surveys)တဖၣ်လၢ ၂၀၂၃နံၣ် အတီၢ်ပူၤန့ၣ်လီၤ. နတၢ်ထံၣ်တၢ်ပာ်ဖျါတဖၣ် လၢဘၣ်တၢ်ထၢဖှိၣ်ထီၣ်အီၤန့ၣ် ကဘၣ်တၢ်စူးကါအီၤဒ်သိး အကမၤစၢၤတၢ်ပာ်လီၤတၢ်ဆၢတဲာ်တဖၣ်လၢ ကၠိနံၣ် ၂၀၂၄-၂၀၂၅ အဂီၢ် န့ၣ်လီၤ. ဝံသးစူၤ နုာ်လီၤကွၢ် spps.org/fy25budget ပှာ်ယဲၤဒီးကွၢ် တၢ်ဂ့ၢ်တၢ်ကျိၤကျၢၢ်တံၢ် ဘၣ်ဃးဒီး တၢ်လၢပနၢ်ဟူလၢနအိၣ် ဒီး တၢ်ထံၣ်လၢနဟ့ၣ်နီၤဟ့ၣ်ခီအီၤတဖၣ်န့ၣ်တက့ၢ်.
“The Right to Read” တၢ်ဂီၤမူအနၤတဖၣ်
ပကွဲမုာ် ဟံၣ်ဖိဃီဖိတဖၣ်လၢကဟဲကွၢ်သကိး SPPS Reads တၢ်ဂီၤမူပာ်ဖျါထီၣ်ပှၤတၢ်လဲၤခီဖျိလၢဒိးန့ၢ် တၢ်လၤကပီၤတခါန့ၣ်လီၤ. တၢ်ဂီၤမူကဒုးနဲၣ်ပာ်ဖျါထီၣ်တၢ်ဂ့ၢ်တၢ်ကျိၤဘၣ်ဃး တၢ်အရ့ဒိၣ်ဘၣ်ထွဲ တၢ်သ့ ကွဲးသ့ဖးလံာ်လဲၢ် ဒီး တၢ်ဖးလံာ်န့ၣ်မၤစၢၤကၠိဖိ ဒ်သိးအကဖျိးစိလၢကၠိပူၤ ဒီး မၤနၢၤတၢ်လၢအတၢ်အိၣ်မူအပူၤ န့ၣ်လီၤ. တၢ်ဂီၤမူအနၤတဖၣ် ကအိၣ်ဝဲဖဲ လါဒံၣ်စဲဘၢၣ် ၇သီဖဲ Humboldt တီၤထီၣ်ကၠိ, ဒီး ဒံၣ်စဲဘၢၣ် ၁၂သီ ဖဲ တီၤထီကၠိန့ၣ်လီၤ. နမ့ၢ်အဲၣ်ဒိးသ့ၣ်ညါအါထီၣ်တၢ်ဂ့ၢ်တၢ်ကျိၤ ဒီး ဆဲးလီၤမံၤလၢန ကဟဲ ကွၢ်တၢ်ဂီၤမူအဂီၢ် န့ၣ်, နုာ်လီၤကွၢ် spps.org/righttoread ပှာ်ယဲၤန့ၣ်တက့ၢ်.
ဃုထံၣ်သ့ၣ်ညါကၠိတဖျၢၣ်လၢနကဘၣ်သူၣ်ဘၣ်သးအီၤ
ဟဲထီၣ် ဖြံၣ်ခ့ၣ်-၁၂တီၤ တၢ်ဃုထၢကၠိမူးတၢ်ရဲၣ်တၢ်ကျဲၤဖဲ မုၢ်ဘူၣ်နံၤ, လါဒံၣ်စဲဘၢၣ် ၉သီ, စးထီၣ်ဖဲ ဂီၤ ၉း၃၀နၣ်ရံၣ် တုၤ ဟါ ၂ နၣ်ရံၣ်အကတီၢ်ဖဲ Saint Paul RiverCentre န့ၣ်တက့ၢ်. အဝဲအံၤမ့ၢ်တၢ်ဆၢကတီၢ် အဂ့ၤဒိၣ်ကကတၢၢ် တခါလၢ ဟံၣ်ဖိဃီဖိတဖၣ်လၢအကပတံထီၣ်ကၠိတဖၣ်လၢ ကၠိနံၣ် ၂၀၂၄-၂၅ အဂီၢ်ဒ်သိး ကဃုသ့ၣ်ညါအါထီၣ်ပကၠိ တဖၣ်အဂ့ၢ်အကျိၤ, ကူၣ်သ့တၢ်ရဲၣ်တၢ်ကျဲၤတဖၣ် ဒီး တၢ်တိစၢၤမၤစၢၤအတၢ်ရဲၣ် တၢ်ကျဲၤတဖၣ်န့ၣ်လီၤ. ဃုသ့ၣ်ညါအါထီၣ်တၢ်ဂ့ၢ်တၢ်ကျိၤဖဲ spps.org/apply ပှာ်ယဲၤအပူၤန့ၣ်တက့ၢ်.
တၢ်ဟ့ၣ်လီၤကလီ ပိာ်မုၣ်လုၢ်လၢ်ဟဲတၢ်ဖိတၢ်လံၤတဖၣ် ဆူ SPPS ကၠိဖိမုၣ်တဖၣ်
ဆူမဲာ်ညါစှၤလါအတီၢ်ပူၤန့ၣ်, စ့ၣ်ဖီလ်ပဒိၣ်ကၠိကစးထီၣ်ဟ့ၣ်လီၤ ပိာ်မုၣ်လုၢ်လၢ်ဟဲတၢ်ဖိတၢ်လံၤတဖၣ် လၢ ကၠိဖိ ပိာ်မုၣ်ဖိတဖၣ်တလိၣ်ဟ့ၣ်အပှ့ၤဘၣ်န့ၣ်လီၤ. တၢ်ဖိတၢ်လံၤတဖၣ်အံၤကဘၣ်တၢ်ပာ်ဃာ်အီၤဖဲ စ့ၣ်ဖီလ်ပဒိၣ်ကၠိ တၢ်ဟးလီၢ်တဖၣ်လၢ ပှၤ ၄တီၤ တုၤ ၁၂ တီၤကၠိဖိပိာ်မုၣ်တဖၣ်အဂီၢ်န့ၣ်လီၤ. တၢ်ဆီတလဲ ဖီလ်စံၣ်အဝဲအံၤ မ့ၢ်တၢ်ခီဆၢက့ၤ သဲစးအသီလၢဘၣ် တၢ်ပာ်ဂၢၢ်ပာ်ကျၢၤအီၤလၢ မံၣ်နံၣ်စိထၣ်ပဒိၣ်ပပှၢ်တဖၣ် ဒ်သိးအကမၤဂ့ၤထီၣ် တၢ်ခွဲးတၢ်ယာ်လၢကၠိဖိမုၣ်တဖၣ်ကဒိးန့ၢ်တၢ်ဖိတၢ်လံၤလၢလုၢ်လၢ်ဟဲအဂီၢ်န့ၣ်လီၤ.
လံာ်နံၣ်လံာ်လါ တၢ်ဒုးသ့ၣ်နီၣ်တဖၣ်
- ဒံၣ်စဲဘၢၣ် ၉သီ - တၢ်ဃုထၢကၠိမူးအတၢ်ရဲၣ်တၢ်ကျဲၤလၢ ၂၀၂၄-၂၀၂၅ နံၣ်ဖဲ Saint Paul RiverCentre
- ဒံၣ်စဲဘၢၣ် ၂၅သီ - ယနူၤအါရံၤ ၃သီ - တၢ်ဂိၢ်ခါကၠိပျၢ်ကသုၣ်လၢ Crossroads Montessori ကၠိအဂီၢ်
- ဒံၣ်စဲဘၢၣ် ၂၅သီ - ယနူၤအါရံၤ ၅သီ - တၢ်ဂိၢ်ခါကၠိပျၢ်ကသုၣ်လၢ ကၠိဖိတဖၣ်အဂီၢ်လၢအတပၣ် ဃုာ် Crossroads Montessori ကၠိဘၣ်
