Return to Headlines

Hmoob: Tej Yam Muaj Rau Hauv SPPS Tam Sim No – Lub 11 Hlis Tim 30, 2023

Koom kev sib tham nrog Superintendent Gothard online

Superintendent Joe Gothard yuav muaj ib qho kev sib tham live nyob online hnub Monday, lub 12 Hlis tim 4, thaum 5:30 p.m. Cov ntsiab lus sib tham yog yuav tham txog SPPS Achieves thiab qhov American Rescue Plan, SPPS pob nyiaj, thiab tej uas peb hnov los ntawm tsoom zej zos ob peb lub hlis dhau los no hais txog tej yam uas lawv pom tias muaj nuj nqis. Cov neeg tuaj koom yuav muaj lub cib fim nug txog tej yam uas lawv xav paub. Yog xav mus koom, mus rau ntawm spps.eduvision.tv/LiveSched.aspx thaum lub sij hawm sib tham.

 

Ncauj lus tshiab txog kev npaj nyiaj rau xyoo 25 

SPPS tau koom tes nrog cov tsev neeg, tub ntxhais kawm ntawv thiab cov neeg ua hauj lwm seb qhov twg yog qhov muaj nqis rau txoj kev kawm los ntawm kev sib ntsib sib tham thiab ntsuam xyuas ntawm xyoo 2023. Ib tsoom zej zos cov lus thiab kev ntsuam xyuas yog coj los pab rau txoj kev txiav txim siab npaj nyiaj rau xyoo 2024-25. Thov mus saib ntawm spps.org/fy25budget kom pom cov ntsiab lus uas peb hnov los ntawm nej thiab pab tswv yim.

 

Hmo saib zaj yeeb yaj kiab “The Right to Read” 

Caw cov tsev neeg mus koom kev saib zaj yeeb yaj kiab hu ua “The Right to Read”. Zaj yeeb yaj kiab no yuav qhia txog qhov tseem ceeb ntawm kev nyeem ntawv thiab kev nyeem ntawv pab tau li cas kom cov tub ntxhais kawm ntawv muaj kev vam meej nyob rau hauv tsev kawm ntawv thiab lub neej. Cov hnub saib yeeb yaj kiab yog lub 12 Hlis tim 7 nyob rau ntawm Humboldt High School thiab lub 12 Hlis tim 12 nyob rau ntawm Central High School. Yog xav paub ntxiv thiab xav sau npe mus koom, mus rau ntawm spps.org/righttoread.

 

Mus nrhiav lub tsev kawm ntawv uas nej nyiam

Mus koom peb lub rooj xaiv tsev kawm ntawv rau qib PreK-12 hnub Saturday, lub 12 Hlis tim 9, thaum 9:30 a.m. txog 2 p.m. nyob rau ntawm Saint Paul RiverCentre. Nov yog ib lub sij hawm zoo rau cov tsev neeg mus nrog tsev kawm ntawv cov neeg ua hauj lwm tham kom paub ntau ntxiv txog peb cov tsev kawm ntawv, cov khoos kas thiab kev pab cuam. Yog xav paub ntxiv, mus saib hauv spps.org/apply.

 

Khoom pub dawb rau SPPS cov me nyuam kawm ntawv siv

Ob peb hlis tom ntej no, Xees Phos Tsoom Fwv Tsev Kawm Ntawv yuav pib muab cov khoom siv lub caij cev ntas rau cov ntxhais kawm ntawv. Cov khoom no yog pub dawb xwb. Peb yuav muaj cov khoom no rau hauv cov chav dej rau cov kawm qib 4-12 hauv SPPS. Qhov nov yog hloov raws li txoj cai tshiab uas cov neeg tsim cai hauv Minnesota tau pom zoo kom me nyuam kawm ntawv tau cov khoom no siv. 

 

Nco ntsoov cov hnub no

  • Lub 12 Hlis tim 9: 2024-25 Lub Rooj Xaiv Tsev Kawm Ntawv nyob rau ntawm Saint Paul RiverCentre
  • Lub 12 Hlis tim 25 txog lub 1 Hlis tim 3: Sij hawm so thaum lub caij ntuj no rau Crossroads Montessori
  • Lub 12 Hlis tim 25 txog lub 1 Hlis tim 5: Sij hawm so thaum lub caij ntuj no rau cov tsev kawm ntawv tshwj Crossroads Montessori