Return to Headlines

Hmoob: Tej Yam Muaj Rau Hauv SPPS Tam Sim No - Lub Kaum Ib Hlis Tim 9, 2023

Peb yog SPPS: Ȟoká Máza

Chaske Henry thiab nws tus kwv tij Robert Henry yog me nyuam kawm ntawv ntawm Harding High School thiab nkawv yog ob tug uas tsim pab pawg ntaus nruas hu ua Ȟoká Máza. Nkawv tau txoj kev txhawb zog los ntawm cov txiv neej muaj hnub nyoog zog ua qauv, lawv siv cov nkauj uas ib tiam dhau ib tiam tau siv los ua kev txuas rau lawv tej kev lis kev cai thiab qhia txog lawv tej keeb kwm. Nws yog ib txoj hau kev los pab rau txoj kev noj qab nyob zoo thiab hwm lawv caj ces, tsis yog rau lub sij hawm Native American Month xwb, tiam sis ib xyoos puag ncig.

Ua Kev Zoo Siab Rau Kev Nyeem Ntawv thiab Sau Ntawv Nrog SPPS Reads

SPPS zoo siab los pib ib qho khoos kas tshiab hu ua SPPS Reads. Hauv paus tsev kawm ntawv tab tom txhim kho kev qhia cov kev nyeem ntawv sau ntawv thiab muab kev pab cuam rau cov tub ntxhais kawm ntawv thiab cov tsev neeg kom lawv muaj siab rau txoj kev nyeem ntawv. Koom peb rau hmo saib zaj yeej yaj kiab “The Right to Read.” Nrhiav cov hnub saib yeeb yaj kiab thiab kev qhia ntxiv txog SPPS Reads ntawm spps.org/reads.

Yuav Muaj Ib Lub Rooj Sib Tham Txog Nyiaj Txiag Ntxiv

Ua tsaug rau tag nrho cov tsev neeg, cov tub ntxhais kawm ntawv, cov neeg ua hauj lwm thiab cov neeg hauv zej zos uas tau tuaj koom kev sib tham txog kev npaj nyiaj rau lwm xyoo thiab qhia rau peb tias dab tsi tseem ceeb rau nej. Tej ncauj lus uas nej teb tuaj hauv cov rooj sib tham no, peb yuav siv los pab kom paub txiav txim siab rau kev npaj nyiaj rau xyoo kawm ntawv 2025. Peb yuav muaj ib lub rooj sib tham ntxiv txog kev npaj nyiaj nyob rau hnub Thursday, lub 11 Hlis tim 16, nyob rau ntawm Humboldt High School thaum 5:30 p.m. txog 8 p.m. Yuav muaj noj hmo thiab neeg zov me nyuam. Thov mus sau npe hauv spps.org/budget-engagement.

Project REACH Toy Drive

Project REACH tab tom nrhiav cov khoom ua si tshiab thiab khoom plig rau cov me nyuam hnub nyoog txij thaum yug mus txog rau 18 xyoo. Yuav muab cov khoom plig no mus rau cov tsev neeg uas tsis muaj vaj muaj tsev nyob hauv SPPS. Cov khoom plig uas tsis tau qhwv ces coj mus rau ntawm 1021 Marion Street, Saint Paul, MN 55117, los sis nej kuj mus yuav tau cov ntawm daim ntawv thov es mam li muab xa mus rau qhov chaw nyob saum toj los tau. 

Xov Tshiab Txog SPPS Kev Khom Lus Nrog Cov Neeg Hauj Lwm 

SPPS ntseeg qhov muab txoj kev kawm kom zoo tshaj plaws rau tag nrho peb cov me nyuam kawm ntawv. Txhawm rau kev txhawb lub hom phiaj no txuas ntxiv, SPPS thiaj tsim tau ib co kab ke sib khom lus nrog rau peb 27 pawg neeg sawv ces cov neeg ua hauj lwm. Yog xav paub ntxiv txog tej kab ke tseem ceeb no, tej uas peb yuav ua ua ntej thiab seb kev khom ncauj lus txog twg lawm, mus saib hauv spps.org/negotiations.

Kev Xaiv Tsa Cov Tsav Xwm Kev Kawm Ntawv Tshiab Tau Li Cas

Hnub Tuesday, lub 11 Hlis tim 7, cov neeg pov npav hauv St. Paul xaiv tau plaub tug neeg los ua tsav xwm rau hauv SPPS. Cov uas tau ua ntej uas pom tias muaj feem yuav yeej yog Chauntyll Allen, Yusef Carrillo, Carlo Franco thiab Erica Valliant. Carrillo, Franco thiab Valliant yog cov los tshiab rau pawg tsav xwm kev kawm ntawv; Director Allen rov raug xaiv los ua hauj lwm plaub xyoos ntxiv. Yuav muab cov tsav xwm tshiab los lees cob dej num nyob rau pawg tsav xwm lub rooj sib tham Committee of the Board thaum lub 1 Hlis tim 9, 2024. Mus nrhiav kom paub cov hnub uas yuav muaj kev sib tham tom ntej no, cov txheej txheem, lus qhia thiab cov rooj sib tham uas muab kaw tseg tau saib hauv spps.org/boe.

Cov Lus Pheej Nquag Nug Txog Securly Home

Securly yog ib qho twj uas thaiv kom cov tub ntxhais kawm ntawv tsis txhob nkag tau rau tej yam tsis zoo hauv internet thiab nws kuj muaj peev xwm paub tej cwj pwm xws li kev tso hem thawj rau tus kheej, kev sib thab thiab kev nruj tsiv tib sib. Vim txoj kev hloov hauv xeev Minnesota txoj cai, SPPS thiaj qhib ib qho twj tshiab hu ua "Enhanced Privacy Mode." Peb tau hloov kho peb cov lus uas pheej nquag nquag nug lawm kom muaj lus teb rau qee cov lus nug uas nej muaj txog txog Securly thiab qhov twj tshiab uas yog Enhanced Privacy Mode.

Kev Pab Zaub Mov Rau Thaum Thanksgiving

SPPS yuav tsis muaj mov noj rau hnub Thursday los sis Friday, lub 11 Hlis tim 24-25. Mus saib hauv spps.org/ns kom paub ntxiv tias yuav mus nqa mov noj ua ntej mus so thiab rau lub lim tiam xaus.

Nco Ntsoov Cov Hnub No

  • Lub 11 Hlis tim 9: Quarter 1 xaus 
  • Lub 11 Hlis tim 10: Tsis muaj kawm ntawv rau cov kawm PreK-5 vim hnub no yog hnub niam txiv thiab xib fwb sib ntsib. Tsis muaj kawm ntawv nyob rau Crossroads Montessori
  • Lub 11 Hlis tim 22: Cov me nyuam kawm hauv Crossroads Montessori tsis muaj kawm ntawv
  • Lub 11 Hlis tim 23-24: Tsis muaj kawm ntawv rau txhua lub tsev kawm ntawv los sis txhua qib vim kev so rau hnub Thanksgiving.