Karen: တ​ကီၢ်​ခါ​တၢ်​မၤ​အ​သး​ဖဲ ​ စ့ၣ်​ဖီ​လ်​ပ​ဒိၣ်​ကၠိ​အ​ပူၤ လါနိၣ်ဝ့ဘၢၣ် ၉သီ, ၂၀၂၃နံၣ်

We are SPPS: Ȟoká Máza

Chaske Henry ဒီးအဒီပုၢ်ဝဲၢ်ခွါ Robert Henry မ့ၢ်ဝဲဒၣ် Harding တီၤထီကၠိဖိတဖၣ်လၢ အဒုးအိၣ်ထီၣ်ဝဲ Ȟoká Máza တၢ်ပှီၢ်တပုၢ်ကရူၢ်(drum group) န့ၣ်လီၤ.  ခီဖျိပှၤသူၣ်က့သးပှၢ်ပိာ်ခွါလၢကဲဒိဂ့ၤတဲာ်ဘၣ်တဖၣ် ဒုးသူၣ်ဆူၣ် သးဂဲၤထီၣ်အသးအဃိ, အဝဲသ့ၣ်စူးကါတၢ်သးဝံၣ်တဖၣ်လၢဘၣ်တၢ်ဟ့ၣ်နီၤလီၤက့ၤဝဲဆူပှၤ တစိၤ ဘၣ်တစိၤဒ်အ မ့ၢ်ကျဲတဘိလၢ တၢ်ဒုးဘျးစဲအဝဲသ့ၣ်ဒီး ပှၤထူလံၤဖိအတၢ်န့ၢ်သါဒီး ဟ့ၣ်နီၤ ဟ့ၣ်ခီအ တၢ်ဆဲးတၢ်လၤန့ၣ်လီၤ. အအံၤမ့ၢ် ကျဲတဘိလၢ အမၤဂ့ၤထီၣ်တၢ်အိၣ်ဆူၣ်အိၣ်ချ့ဒီး တၢ်ဟ့ၣ်လၤဟ့ၣ်ကပီၤ အဝဲသ့ၣ်အတၢ်ဟဲလီၤစၢၤအထံးအခံတဖၣ်, တမ့ၢ်ထဲလၢ Native American Heritage အလါဧိၤဘၣ်, ဒီးလၢကၠိနံၣ်ဒီတနံၣ်အပူၤန့ၣ်လီၤ. 

တၢ်မၤလၤကပီၤ တၢ်သ့ဖးသ့ကွဲးလံာ်ဃုာ်ဒီး SPPS Reads

စ့ၣ်ဖီလ်ပဒိၣ်ကၠိ အိၣ်ဒီးတၢ်သူၣ်ပိၢ်သးဝးလၢကစးထီၣ်ကူၣ်သ့တၢ်ရဲၣ်တၢ်ကျဲၤအသီတခါလၢဘၣ်တၢ်ကိးအီၤ လၢ SPPS Reads န့ၣ်လီၤ. ကၠိကီၢ်ရ့ၣ် ကျဲးစၢးခါထီၣ်ခီၣ်ခါဒ်သိးအကမၤဂ့ၤထီၣ် တၢ်သိၣ်လိတၢ် သ့ကွဲးသ့ ဖးလံာ်လဲၢ် အကျိၤအကျဲ ဒီး ဟ့ၣ်လီၤတၢ်တိစၢၤမၤစၢၤပီးလီတဖၣ်လၢ ကၠိဖိဒီးဟံၣ်ဖိဃီဖိတဖၣ်အဂီၢ်ဒ်သိး ကမၤန့ၢ်တၢ်သူၣ်ပိၢ် သးဝးဘၣ်ဃးဒီး တၢ်ဖးလံာ်ဖးလဲၢ်န့ၣ်လီၤ. ဟဲကွၢ်သကိး “The Right to Read” တၢ်ဂီၤမူ ဖဲ တၢ်ကွၢ်တၢ်ဂီၤမူအနၤ တဖၣ်န့ၣ်တက့ၢ်. ကွၢ်ဃု တၢ်ကွၢ်တၢ်ဂီၤမူအမုၢ်နံၤမုၢ်သီ ဒီး ဃုသ့ၣ်ညါအါထီၣ်တၢ်ဂ့ၢ် လီၤတံၢ်လီၤဆဲးဘၣ်ဃးဒီး SPPS Reads ဖဲ spps.org/reads ပှာ်ယဲၤအပူၤန့ၣ်တက့ၢ်. 

Budget Engagement တၢ်အိၣ်ဖှိၣ်အသီတခါဘၣ်တၢ်ဖၢနုာ်အါထီၣ်အီၤ

စံးဘျုးဘၣ်ဟံၣ်ဖိဃီဖိ, ကၠိဖိ, ကၠိပှၤမၤတၢ်ဖိ ဒီး ပှၤတဝၢဖိကိးဂၤဒဲးလၢအဟဲထီၣ်ကမျၢၢ်တၢ်နုာ်လီၤမၤသ ကိးတၢ်လၢ ကၠိစ့တိာ်ပာ်အဂီၢ်တၢ်အိၣ်ဖှိၣ် ဒီး ဃုသ့ၣ်ညါတၢ်ဂ့ၢ်ဘၣ်ဃးဒီး ကၠိကီၢ်ရ့ၣ်စ့တိာ်ပာ်လၢကၠိနံၣ် လၢခံတနံၣ်အဂီၢ် ဒီး တဲဒုးသ့ၣ်ညါပှၤလၢနတၢ်ပာ်လုၢ်ပာ်ပှ့ၤတဖၣ်န့ၣ်လီၤ. တၢ်ဂ့ၢ်တၢ်ကျိၤလၢပထၢဖှိၣ်အီၤဖဲ တၢ်အိၣ်ဖှိၣ်အကတီၢ်တဖၣ်န့ၣ် ကဘၣ်တၢ်စူးကါအီၤဒ်သိးအကမၤစၢၤပတၢ်ပာ်လီၤကၠိစ့တိာ်ပာ်အတၢ်ဆၢတဲာ် တဖၣ်လၢ ကၠိနံၣ် ၂၀၂၄-၂၀၂၅ အဂီၢ် န့ၣ်လီၤ. တၢ်အိၣ်ဖှိၣ်အကတီၢ်အသီတခါကဘၣ်တၢ်မၤအီၤဖဲ မုၢ်လ့ၤဧိၤနံၤ, လါနိၣ်ဝ့ဘၢၣ် ၁၆သီ, ဖဲ Humboldt တီၤထီကၠိ ဖဲ ဟါခီ ၅း၃၀နၣ်ရံၣ် - ဟါ ၈း၃၀နၣ်ရံၣ်အက တီၢ်န့ၣ်လီၤ. တၢ်တူၢ်လိာ်မုာ်ဟါတၢ်အီၣ်တၢ်အီ ဒီး တၢ်ကွၢ်ထွဲဖိသၣ်အိၣ်ဝဲလီၤ. ဝံသးစူၤဆဲးလီၤမံၤဖဲ spps.org/budget-engagement ပှာ်ယဲၤဖီခိၣ်န့ၣ်တက့ၢ်. 

Project REACH Toy Drive

Project REACH ကွၢ်ဃု တၢ်လိာ်ကွဲအသီတဖၣ် ဒီး တၢ်ဟ့ၣ်တဖၣ်လၢအကဟ့ၣ်လီၤဝဲဆူ ဖိသၣ်ဆံးတဖၣ် လၢ စးထီၣ်အိၣ်ဖျဲၣ်လီၤသီဒီး တုၤဆူပှၤ ၁၈ နံၣ်တဖၣ်အဂီၢ်န့ၣ်လီၤ. တၢ်ဟ့ၣ်တဖၣ်ကဘၣ်တၢ်ဟ့ၣ်လီၤအီၤဆူ ဟံၣ်ဖိဃီဖိ လၢအဟံၣ်ဃီတအိၣ်ဖဲ စ့ၣ်ဖီလ်ပဒိၣ်ကၠိပူၤန့ၣ်လီၤ. နဟဲဆှၢပာ်လီၤတၢ်ဟ့ၣ်တဖၣ်ဖဲ 1021 Marion Street, Saint Paul, MN 55117 သ့, မ့တမ့ၢ် နမာ်လိာ်ပှ့ၤအီၤလၢ တၢ်မိၣ်န့ၢ်သးလီအစီရီတဖၣ်အပူၤ ဒီး တၢ်လၢနမာ်လိာ်တဖၣ် ကဘၣ်တၢ်ဆှၢအီၤဆူ အဲဒရဲးစ်ဖျါလၢထးတခါအံၤန့ၣ်လီၤ. 

SPPS Employee Bargaining Updates

စ့ၣ်ဖီလ်ပဒိၣ်ကၠိအိၣ်ဒီးတၢ်နာ်လၢအကဟ့ၣ်လီၤတၢ်ကူၣ်ဘၣ်ကူၣ်သ့တၢ်ဖံးလိမၤဒိးအတၢ်လဲၤခီဖျိ လၢအဂ့ၤ ကတၢၢ်လၢကၠိဖိကိးဂၤဒဲးအဂီၢ်လီၤ. တၢ်ပညိၣ်ဖီတၢၣ်ကလၢပှဲၤထီၣ်အဂီၢ်, စ့ၣ်ဖီလ်ပဒိၣ်ကၠိဆီလီၤပာ်လီၤတၢ် ပာ်လုၢ်ပာ်ပှ့ၤ အတၢ်နဲၣ်ကျဲတဖၣ် လၢကတၢၣ်ပီၣ်တဲသကိးပှၤမၤတၢ်ဖိလံာ်ဃံာ်ဃာ်တဖၣ်ဃုာ်ဒီး ပှၤမၤတၢ်ဖိ ၂၇ ကရူၢ်န့ၣ်လီၤ. ဃုသ့ၣ်ညါအါထီၣ်တၢ်ဂ့ၢ်ဘၣ်ဃးဒီး တၢ်ပာ်လုၢ်ပာ်ပှ့ၤတဖၣ်အံၤ, ပတၢ်တၢၣ်ပီၣ်အၢၣ်လီၤ သကိးတၢ်ဂ့ၢ်ခိၣ်သ့ၣ်အကါဒိၣ်တဖၣ်, ဒီး တၢ်ထံၣ်လိာ်တၢၣ်ပီၣ်သကိးတၢ်အတၢ်အိၣ်သးလၢမုၢ်မဆါတနံၤ ညါအံၤဖဲ spps.org/negotiations ပှာ်ယဲၤအဖီခိၣ်န့ၣ်တက့ၢ်. 

တၢ်ဃုထၢ ပၢဆှၢကၠိကမံးတံာ်ခိၣ်ကျၢၢ် အစၢတဖၣ်

ဖဲ မုၢ်ယူာ်နံၤ, လါနိၣ်ဝ့ဘၢၣ် ၇သီအနံၤန့ၣ်, စ့ၣ်ဖီလ်ပှၤဟ့ၣ်တၢ်ဖးဖိတဖၣ် ဟ့ၣ်တၢ်ဖးဃုထၢထီၣ်ခိၣ်နၢ်ပှၤဒိး ဃုထၢသးတဖၣ်လၢ ကပၢဆှၢတၢ်ဖဲ SPPS Board of Education (ပၢဆှၢကၠိကူၣ်သ့ကမံးတံာ်ခိၣ်ကျၢၢ်) န့ၣ်လီၤ. တၢ်တယာ်ပာ်လၢ ပှၤလၢအမၤနၢၤတၢ်တဖၣ်မ့ၢ်ဝဲ Chauntyll Allen, Yusef Carrillo, Carlo Franco ဒီး Erica Valliant န့ၣ်လီၤ.  Carrillo, Franco ဒီး Valliant ကမ့ၢ်ဝဲ ပၢဆှၢကၠိကမံာ်တံာ်ခိၣ်ကျၢၢ်အသီတဖၣ်, ဒီး Director Allen ဘၣ်တၢ်ဃုထၢထီၣ်က့ၤအီၤလၢကဆဲးမၤတၢ်လၢဆူညါလွံၢ်နံၣ်အဂီၢ်န့ၣ်လီၤ. ခိၣ်နၢ်အသီ တဖၣ် ကဆိၣ်လီၤအသး ဖဲ ပၢဆှၢကၠိကမံးတံာ်ခိၣ်ကျၢၢ် တၢ်အိၣ်ဖှိၣ်အနံၤဖဲ လါယနူၤအါရံၤ ၉သီ, ၂၀၂၄နံၣ်န့ၣ်လီၤ. ဃုသ့ၣ်ညါဆူမဲာ်ညါတၢ်အိၣ်ဖှိၣ် မုၢ်နံၤမုၢ်သီတဖၣ်, တၢ်ရဲၣ်လီၤကျဲၤလီၤတဖၣ်, တၢ်ကွဲးနီၣ်ကွဲးဃါတဖၣ် ဒီး တၢ်ဂီၤမူလၢပှၤဒိဃာ်အီၤဖဲ တၢ်အိၣ် ဖှိၣ်အကတီၢ်တဖၣ် ဖဲ spps.org/boe ပှာ်ယဲၤအဖီခိၣ်န့ၣ်တက့ၢ်. 

Securly Home: တၢ်သံကွၢ်လၢပှၤညီနုၢ်သံကွၢ်ဝဲတဖၣ်

Securly မ့ၢ် internet filtering (တၢ်ပှဲၢ်အ့ထၢနဲး) အစီၣ်ဝဲလ်တခါ လၢအတြီဃာ်ကၠိဖိအတၢ်နုာ်လီၤကွၢ် တၢ်ဂ့ၢ်ခိၣ်တီ လၢအိၣ်ဒီးတၢ်လီၤဘၣ်ယိၣ်မၤဘၣ်ဒိဆါတၢ်တဖၣ်ဒီး ပာ်ဖျါထီၣ်စ့ၢ်ကီး တၢ်မၤပျံၤမၤဖုး တဖၣ်လၢ ဘၣ်ဃးဒီးနီၢ်ကစၢ်တၢ်မၤဆါလီၤသး, တၢ်မၤနၢၤအီၣ်ဃီၣ်တၢ် ဒီး တၢ်မၤဆူၣ်မၤဆိးတၢ်တဖၣ်စ့ၢ်ကီးလီၤ. ခီဖျိ တၢ်ဆီတလဲ မဲၣ်နံၣ်စိထၣ်သဲစးတဖၣ်အဖီခိၣ်အဃိ, စ့ၣ်ဖီလ်ပဒိၣ်ကၠိ ဒုးအိၣ်ထီၣ် တၢ်အက့ၢ်အဂီၤအသီတခါဖဲ Securly အပူၤလၢဘၣ်တၢ်ကိးအီၤ လၢ “Enhanced Privacy Mode” န့ၣ်လီၤ. ပလဲလိာ်မၤဂ့ၤထီၣ် ပ  FAQ (တၢ်သံကွၢ်လၢပှၤညီနုၢ်သံကွၢ်တဖၣ်) လၢအကစံးဆၢနတၢ်သံကွၢ်ဘၣ်ဃးဒီး Securly ဒီး Enhanced Privacy Mode အသီတခါအံၤန့ၣ်လီၤ. 

တၢ်စံးဘျုးစံးဖှိၣ်တၢ်အီၣ်တၢ်အီ အတၢ်တိစၢၤမၤစၢၤလီၢ်ကျဲတဖၣ်

ဖဲ မုၢ်လ့ၤဧိၤနံၤ မ့တမ့ၢ် မုၢ်ဖီဖးနံၤ, လါနိၣ်ဝ့ဘၢၣ် ၂၄သီ - ၂၅သီအနံၤတဖၣ်န့ၣ် စ့ၣ်ဖီလ်ပဒိၣ်ကၠိတသုးကျဲၤ ဟ့ၣ်လီၤ တၢ်အီၣ်တၢ်အီတဖၣ်ဘၣ်. ဝံသးစူၤ နုာ်လီၤကွၢ် spps.org/ns ပှာ်ယဲၤလၢနကသ့ၣ်ညါအါထီၣ် တၢ်ဂ့ၢ်တၢ်ကျိၤဘၣ်ဃး နကလဲၤဟံးန့ၢ်တၢ်အီၣ်တၢ်အီတဖၣ်တချုး တၢ်စံးဘျုးစံးဖှိၣ်အမုၢ်နံၤ ဒီး ဖဲ တၢ်စံးဘျုးစံးဖှိၣ် အနွံကတၢၢ်အတီၢ်ပူၤအဂီၢ်န့ၣ်တက့ၢ်.  

လံာ်နံၣ်လံာ်လါ တၢ်ဒုးသ့ၣ်နီၣ်တဖၣ်

• နိၣ်ဝ့ဘၢၣ် ၉သီ - တၢ်မၤလိခွါထၢၣ် ၁ ကတၢၢ်
• နိၣ်ဝ့ဘၢၣ် ၁၀သီ - လၢ ဖြံၣ်ခ့ၣ်-၅တီၤကၠိဖိအဂီၢ် ကၠိတထီၣ်ဘၣ် ဒီး အမ့ၢ်ဝဲ မိၢ်ပၢ်-ကၠိသရၣ် တၢ်အိၣ်ဖှိၣ်န့ၣ်လီၤ. Crossroads Montessori ကၠိတထီၣ်ဘၣ်. 
• နိၣ်ဝ့ဘၢၣ် ၂၂သီ - Crossroads Montessori ကၠိတထီၣ်ဘၣ်. 
• နိၣ်ဝ့ဘၢၣ် ၂၃သီ - ၂၄သီ - လၢ ကၠိဒီးတီၤကိးတီၤဒဲးအဂီၢ် ကၠိတထီၣ်ဘၣ် ဒီး အမ့ၢ်ဝဲဒၣ် တၢ်စံးဘျုးစံးဖှိၣ် (Thanksgiving) နံၤသဘျ့န့ၣ်လီၤ.