Iskoolka la dhaho Online School ee SPPS waa dugsi cusub oo lacag la'aan ah oo u oggolaanaya ardayda fasallada K-12 inay qaataan fasallo buuxiya heerarka waxbarasho ee Minnesota, lehna jawi waxbarasho oo dabacsan, ammaan iyo caawinaad fiicanna leh.

Qoysasku waxay iska qori karaan SPPS Online School iyagoo buuxinaya arjiga online-ka ah ama iyagoo Xarunta Meelaynta Ardayda kala xiriirayo spc@spps.org ama 651-632-3760.

Haa, ardayda ka baxsan aagga looga yimaado iskoollada degmada SPPS waa laga yaabaa inay iska diiwaangeliyaan dugsiga K-12 ee onlaynka ah.

Ardayda ku qoran semester-ka dayrtan soo socoto waxaa keliya lagu qori doonaa barnaamijka online-ka ee fasallada K-12. Laguma qori doono iskoolka ay hadda dhigtaan. Codsiyada quseeyo in ardayga loo wareejiyo iskoolka ay ka socoto waxbarasho qof ahaan la tegayo waxaa loo eegi doonaa dib rubuca ama semester-ka soo socda iyadoo lagu salayn doono kuraasta bannaan. Ardayda codsato ku noqoshada waxbarashada shaqsi ahaanta iskoolka la tegayo inta lagu jiro sannad-dugsiyeedka 2021-22 looma ballan-qaadayo in lagu qoro iskool gaar ah. Dedaal kasta ayaa la samayn doonaa si ardayda loogu celiyo iskoolkoodii hore oo ay ku qornaayeen sannad-dugsiyeedka 2022-23.

Maya. Fasallada Pre-K iyo Waxbarashada Gaarka ah ee Carruurnimada (Early Childhood Special Education) waxaa keliya lagu bixin doonaa qaab ah qof ahaan sannad-dugsiyeedka 2021-2022.

Manhajka Online School ee SPPS waxaa la dejiyay iyadoo la adeegsanayo xeelado la xaqiijiyay inay ka shaqeynayaan fasallada lagu barto khadka intarnetka. Ardaygaagu wuxuu helayaa xiisado toos u baxayo, fasallo leh is-dhexgal iyo wadashaqeyn kuwaasoo ay weheliyaan duruus la duubay oo ay xilligii ay doonaan ardaydu daawanayaan.  Ardaydu waxay waxbarashada u adeegsan doonaan aaladaha tiknoolaji ee ku jira iPad-ka iskoolkooda. Ardayda fasallada K-3 waxay isticmaali doonaan Seesaw halka ardayda fasallada 4-12 ay isticmaali doonaan Schoology.

Dugsiga Online School ee SPPS wuxuu yeelan doonaa munaasabad  lagu qeybinayo iPad-ka maalinta August 27 halkaas oo ardayda ku cusub SPPS ay ka heli doonaan iPad iyadoo ardayda hadda dhigata iskoollada SPPS ay iPad-koodii hore ku beddelan doonaan nooc cusub. Ardayda aan imaan karin munaasabaddaas ama kuwa isqoro wixii ka dambeeya 27-ka August waxay la shaqayn doonaan shaqaalaha dugsiga Online School si ay u qorsheeyaan wakhti loogu talagalay qaadashada iPad-ka.

Barayaasha SPPS

Waxaa jiri doono masuuliyad dheeraad oo ah xagga wakhtiga oo laga filayo barayaasha inay ku jiraan khadka online-ka maalintii iyo toddobaadkii oo dhan.

Dugsiga Online School ee SPPS wuxuu bixin doonaa dhammaan koorsooyinka ay Waaxda Waxbarashada Minnesota doonayso in la siiyo fasal kasta.

Dugsiga Online School ee SPPS ma bixin doono waxbarasho ah in luuqad aan Ingiriis aheyn wax lagu barto, ama in labo luuqadood wax lagu barto, ama waxbarasho ku qotonta takhasus gaar ah (magnet).

Maya, dugsiga Online School ee SPPS ma bixin doono barnaamijka koox muustikaaleey ama koox isla heesta sannad-dugsiyeedkan. Si loo taageero fanka, waxaa jiri doona fasal ah farshaxan muuqaalka ah.

Dugsiga Online School ee SPPS uma qabanayo barnaamijka ciyaaraha fudud fasallada K-8.

Fasallada 9-12, arday kasta oo hadda ka tirsan degmada SPPS ee u soo wareegayo dugsiga Online School ee SPPS looma arki doono "arday cusub" oo ma lumin doono ka qeyb-galka ciyaaraha heerkiisa ah ee uu u qalmo. Ardayda hadda dhigato SPPS ee dayrta 2021 isku qoreyso dugsiga Online School ee SPPS iyagoo ah fasallada 10-12 waxay ciyaaraha isboortiga ka sii wadan karaan dugsigii ay ku qornaayeen sannadkii hore. Tusaale ahaan, ardayga ku jiray fasalka 10-aad ee iskoolka Central sannad-dugsiyeedka 2020-21 balse doonaya inuu dayrtaan iska qoro dugsiga Online School ee SPPS wuxuu u qalmaa inuu ka ciyaaro dugsiga Central.

Ardayda SPPS ee ka qalin-jabisay fasalka 8-aad oo dayrta 2021 iska qoreyso dugsiga Online School ee SPPS waxay dooran karaan iskool kasta oo ka mid ah dugsiyada sare ee SPPS si ay uga qaybgalaan cayaaraha isboortiga.

Ardayga ku cusub degmada SPPS ee ka yimid bannaanka Degmadeenna wuxuu ka ciyaari karaa isboortiga degmadiisii hore iyo iskoolkii uu ku qornaa sannadkii hore. Haddii ardaygaasi doonayo in uu ka ciyaaro isboortiga dugsiga sare ee SPPS, waxaa loo aqoonsan doonaa inuu yahay “arday cusub” oo xafiiska ciyaaraha isboortiga ee MSHSL ayaa go'aamin doono in ardaygu u qalmo ciyaaraha heerka uu doonayo.

Haa, dugsiga Online School ee SPPS wuxuu raaci doonaa isla jadwalka iskoollada SPPS oo dhan. Jadwalka sannad-dugsiyeedka oo buuxa ayaa laga heli karaa spps.org/calendar.

Macallimiintu waxay xaadirin doonaan imaanshaha hal mar maalintii inta lagu jiro xiisadda shirarka subaxnimada ee fasallada K-5, xiisadda qoraalka iyo akhriska ah ee fasallada 6-8, ama xiisadda koox-kooxda ah ee fasallada 9-12.

Dugsiga Online School ee SPPS wuxuu raaci doonaa nidaam la mid ah midka buundo-bixinta dhammaan dugsiyada SPPS.   

Haa, ardayda dhigato dugsiga Online School ee SPPS ee fasallada 9-12 waxay qaadan doonaan koorsooyin waxayna heli doonaan dhibcaha loo baahan yahay si ay u qalin-jebiyaan. Tani kama duwana sidii ay dhibcaha u heli lahaayeen markii ay dhigtaan dugsiga sare ee qof ahaanta la imaanayo. Ardayda iyo qoysasku waa inay la shaqeeyaan la-taliyaha iskoolka si ay u fahmaan inta dhibco ee ay heystaan ama ka maqan, in la sii qorsheeyo qalin-jabinta, iyo laga sii tashado wixii qorshe ah ee ku saabsan dugsiga sare ka dib.

Haa, ardayda ka diiwaangashan dugsiga Online School ee SPPS waxaa laga filayaa inay qaataan imtixaannada guud ee heer-degmo.

Waalidka ama mas'uulka waa inuu diyaar u yahay in markii loo baahdo uu ka caawiyo ardayda isticimaalka tiknoolajiyadda loo adeegsado waxbarashada online-ka ah.

Qoys walba wuxuu u baahan doonaa inuu sameeyo qorshayaal looga warqabayo carruurtooda inta ay socoto waxbarashada maalintaas.

Xiisadda kulamada subaxda (K-5), xiisadda maaddooyinka aasaaska (6-8) ama xiisadda koox-kooxda ardayda (9-12) ayaa waxay yeelan doonaan qayb ardayda ka dhiseyso waxbarashada xag bulsho iyo xag shucuur. Caawin ah shaqsi ahaan ayuu sidoo kale ardayga ka heli doonaa fasalka online-ka ah.

Haa, barnaamijyada gaarka ah iyo barnaamijyada barashada luuqadda Ingiriisiga ayaa la heli doonaa iyada oo ku saleysan baahida ardayga.

Haa, degmadu waxay online ahaan bixin doontaa dhammaan adeegyadaas sida ku xusan Qorshaha Waxbarashada Shakhsi ahaaneed ee ardayga.

Caawinaadda loogu talagalay waxbarashada qof ahaanta iskoolka loo imaanayo ayaa noqon doonta mid xaddidan oo si gooni ah loogu saleeyay baahida shakhsi ahaaneed ee ardayga. Haddii loo baahan yahay in ardaygu uu caawinaad joogto ah u helo qof ahaan, qoysasku waa inay ardayga ku qoraan mid ka mid ah iskoollada caadiga loo tago ee SPPS.

Ardayda online-ka wax ku barato waxay awoodaan inay isdiiwaangeliyaan oo ay horay u sii dalbadaan soo-qaadashada cuntada baakadeysan oo toddobaadle ah. Baakad walba oo cunto ah waxaa ku jira shan quraac iyo shan qado. Soo-qaadasho aan u baahneyn xiriir iyo soo wicid toona ayaa la qorsheyn doonaa 10-ka subaxnimo ilaa 12-ka duhurnimo Jimce walba iyadoo la imaanayo dhismaha la dhaho Education and Operations Services (EOS; 1930 Como). Qoysaska waxaa laga doonayaa inay horey isu sii diiwaangeliyaan si ay u soo qaataan cuntada baakadeysan. Bogga isdiiwaangelinta ee cuntada la soo qaadanayo wuxuu furmi doonaa ugu dambeyn September 1 adigoo gelayo halkaan: spps.org/ns.