SPPS Lub Tsev Kawm Ntawv Online (SPPS Online School) yog ib qho tshiab, tsis them nyiaj, thiab yog Xees Phos Tsoom Fwv Tsev Kawm Ntawv npaj kom cov tub ntxhais kawm uas kawm qib 9-12 tau kawm cov ntawv uas nyob txog Minixaustas tus qauv kawm ntawv ywj sij hawm, muaj kev nyab xeeb thiab kev txhawb.

Cov tsev neeg muaj peev xwm mus teev npe rau SPPS Lub Tsev Kawm Ntawv Online (SPPS Online School) los ntawm kev mus ua kom tiav daim ntawv teev npe online los sis tiv tauj qhov chaw teev npe kawm ntawv (Student Placement Center) ntawm spc@spps.org los sis 651-632-3760.

Tau, cov tub ntxhais kawm ntawv uas tsis nyob rau hauv Xees Phos los yeej teev npe tau rau lub tsev kawm ntawv online uas muaj kawm qib K-12.

Cov tub ntxhais kawm ntawv uas teev npe kawm rau SPPS Online School rau lub semester thaum lub caij nplooj zeeg mas yuav muaj npe kawm rau hauv SPPS Online School xwb yuav tsis kawm rau hauv lawv lub tsev kawm ntawv tam sim no. Kev thov hloov mus kawm tim ntsej tim muag rau tom tsev kawm ntawv ces mam li xyuas seb puas mus tau rau lub quarter los sis semester tom ntej thiab yuav tsum yog muaj chaw qhib. Cov tub ntxhais kawm ntawv uas thov hloov rov qab mus kawm tim ntsej tim muag rau xyoo 2021-22 mas yuav lav tsis tau tias lawv yuav tau mus kawm rau lub tsev kawm ntawv uas lawv thov tuaj. Peb yuav ua txhua yam pab kom cov tub ntxhais kawm ntawv ntawd rov qab tau mus kawm rau lawv lub tsev kawm ntawv qub rau xyoo kawm ntawv 2022-23.

Tsis muaj, Pre-K thiab Early Childhood Special Education tsuas muaj kawm rau tom tsev kawm ntawv rau xyoo 2021-2022 nkaus xwb.

SPPS Online School cov ntawv uas kawm online no yeej npaj kom haum rau qhov uas nyob hauv tsev kawm. Nej tus me nyuam yuav muaj kawm sib pom ntsej muag, sib txuas lus ua tej pab, nrog rau tej uas muab kaw cia es nws nkag mus saib tej ntawv uas yuav ua thaum twg thiab qhov twg los tau. Nej tus me nyuam yuav siv cov twj kawm tshiab hauv tsev kawm ntawv lub iPad los kawm. Cov kawm qib K-3 yuav siv Seesaw thiab cov kawm qib 4-12 yuav siv Schoology. 

SPPS lub tsev kawm ntawv online yuav muaj ib lub koom txoos iPad rau thaum lub 8 Hli tim 27 uas cov tub ntxhais tuaj kawm tshiab rau SPPS yuav tau txais ib lub iPad thiab cov uas tab tom kawm rau hauv SPPS yuav coj lawv lub iPad mus pauv ib lub tshiab. Cov tub ntxhais kawm ntawv uas tuaj koom tsis tau los sis cov uas teev npe tom qab lub 8 Hli tim 27 mas yuav tau teem sij hawm nrog cov neeg ua hauj lwm hauv SPPS lub tsev kawm ntawv online es mus nqa iPad.

SPPS cov xib fwb

Cov tub ntxhais kawm ntawv yuav muaj sij hawm ntau zog nrog cov xib fwb hauv online txhua hnub thiab txhua lub lim tiam.

SPPS lub tsev kawm ntawv online yuav muaj kawm tag nrho cov ntawv uas Minnesota Department of Education kom txhua qib yuav tsum kawm. 

SPPS lub tsev kawm ntawv online yuav tsis muaj cov kev kawm uas siv lwm hom lus qhia, kawm ob hom lus los sis lwm hom kev kawm tshwj xeeb.

Tsis muaj, SPPS lub tsev kawm ntawv online yuav tsis muaj kawm ntaus suab paj nruag los sis hu nkauj ua ke rau xyoo no. Yuav muaj chav kawm tsim duab uas yog ua los txhawb rau txoj kev kawm txuj tes.

SPPS lub tsev kawm ntawv online yuav tsis muaj kev ua kis las rau qib K-8. Rau qib 9 txog 12, txhua tus tub ntxhais sam sim kawm hauv SPPS uas hloov mus kawm rau SPPS lub tsev kawm ntawv online mas yuav tsis raug suav tias yog hloov mus kawm rau ib lub tsev kawm ntawv tshiab thiab yuav tsis plam qhov kev muaj feem koom tes rau kev ua kis las rau theem varsity. Cov tub ntxhais sam sim kawm hauv SPPS uas teev npe mus kawm qib 10 txog 12 hauv SPPS lub tsev kawm ntawv online rau thaum lub caij nplooj zeeg 2021 mas muaj peev xwm yuav mus koom tes tau rau kev ua kis las txuas mus ntxiv nyob rau lawv lub tsev kawm ntawv xyoo tas los. Piv txiv tias, nyob rau xyoo 2020-21 tus tub ntxhais kawm qib 10 nyob rau hauv Central tiam sis nws mus teev npe kawm rau SPPS lub tsev kawm ntawv online rau lub caij nplooj zeeg no, no ces nws yuav muaj feem mus koom tes rau kev ua kis las nyob rau hauv Central.

SPPS cov tub ntxhais uas kawm tiav qib 8 thiab tab tom yuav mus kawm rau SPPS lub tsev kawm ntawv online rau lub caij nplooj zeeg 2021, muaj peev xwm xaiv tau SPPS ib lub tsev kawm ntawv theem siab uas lawv yuav mus koom tes rau kev ua kis las, lub twg los tau.

Ib tug tub ntxhais tuaj kawm ntawv tshiab rau hauv SPPS uas los lwm koog tsev kawm ntawv los mas yuav rov qab mus koom tes rau kev ua kis las hauv koog tsev kawm ntawv ntawd xws li nyob rau hauv nws lub tsev kawm ntawv xyoo tas los. Yog tus tub ntxhais kawm ntawv ntawd xav koom tes rau kev ua kis las nyob rau hauv SPPS ib lub tsev kawm ntawv theem siab, ces nws yuav raug suav tias yog ib tug tub ntxhais uas hloov mus kawm rau ib lub tsev kawm ntawv tshiab lawm thiab MSHSL yuav tau txiav txim siab seb nws puas muaj feem koom tes.

Mus raws li kawg, cov hnub kawm ntawv hauv SPPS lub tsev kawm ntawv online yuav mus raws li cov hnub kawm ntawv rau tag nrho SPPS cov tsev kawm ntawv. Daim ntawv qhia caij nyoog rau xyoo kawm ntawv no muaj nyob rau ntawm spps.org/calendar.

Cov xib fwb yuav teev tias tub ntxhais tuaj kawm ntawv ib hnub ib zaug rau thaum lub caij sib ntsib thaum sawv ntxov rau qib K-5, hauv chav foundations rau qib 6-8 los sis crew rau qib 9-12.

SPPS lub tsev kawm ntawv online yuav siv tib taug qauv muab qhab nia ib yam li txhua lub tsev kawm ntawv hauv SPPS.

Tau, SPPS lub tsev kawm ntawv online cov tub ntxhais kawm qib 9-12 yuav kawm thiab tau txais cov qhab nia uas yuav tsum muaj rau kev tiav ntawv ib yam li kawm tim ntsej tim muag rau hauv cov tsev kawm ntawv theem siab. Cov tub ntxhais kawm thiab tsev neeg yuav tsum nrog lawv tus counselor tom tsev kawm ntawv tham kom nkag siab tias lawv tus me nyuam tau qhab nia li cas lawm, npaj rau kev tiav ntawv thiab mus kawm ntawv tom qab tas tsev kawm ntawv theem siab.

Tau, cov tub ntxhais kawm ntawv hauv SPPS lub tsev kawm ntawv online yuav tsum tau mus xeem cov txuj uas muab rau txhua tus xeem hauv koog tsev kawm ntawv no.

Xav kom cov niam txiv los sis saib xyuas pab cov tub ntxhais kawm ntawv rau kev siv cov twj kawm ntawv online raws li qhov uas lawv xav tau.

Txhua txhia tsev neeg yuav tsum tau npaj kom muaj neeg saib xyuas lawv cov me nyuam rau lub caij kawm ntawv.

Yuav muaj qhov kawm txog kev haum xeeb thiab kev xav rau lub caij sib sau thaum sawv ntxov (K-5), hauv chav Foundations (6-8) los sis Crew (9-12). Kuj yuav muaj kev pab ib tug zuj zus rau cov tub ntxhais kawm ntawv online thiab.

Muaj, yuav muaj cov khoos kas kawm ntawv tshwj xeeb thiab kawm ntawv Askiv thiab yuav muaj kev pab cuam raws li tub ntxhais kawm ntawv xav tau.

Tau, hauv paus tsev kawm ntawv yuav pab txhua yam hauv online raws li teev tseg rau tus tub ntxhais kawm ntawv daim ntawv teev kev kawm rau tus kheej Individualized Education Plan.

Kev pab tim ntsej tim muag yuav muaj tsawg thiab yuav txiav txim siab muab kev pab cuam raws li qhov kev pab uas tus me nyuam xav tau. Yog xav tau kev pab tim ntsej tim muag ntau ces tsev neeg yuav tsum coj tus me nyuam mus teev npe kawm rau SPPS ib lub tsev kawm ntawv raws li ib txwm kawm los.

Cov tub ntxhais kawm ntawv online yuav muaj peev xwm mus sau npe thiab qhia rau tsev kawm ntawv paub ua ntej tias yuav mus nqa zaub mov noj txhua lub lim tiam. Ib thawv zaub mov twg muaj tsib pluag tshais thiab tsib pluag su nyob rau hauv. Lub sij hawm mus nqa yog 10 a.m. txog tav su txhua hnub Friday nyob rau ntawm Education and Operations Services (EOS; 1930 Como). Cov tsev neeg yuav tsum tau sau npe ua ntej mus nqa thawv zaub mov. Nej muaj peev xwm mus sau npe tau pib lub Cuaj Hli tim 1 mus nyob rau ntawm spps.org/ns.